囍慶藝廚酒家 (Closed)

珍珠都無咁真，$438兩位用，有龍蝦伊麵，蒸元貝，白灼蝦，蒸魚，炸生蠔，油鹽水浸花甲， 乳鴿一隻，金銀蛋浸菜苗同埋炒飯仲有嘢飲。好誇張，真係好誇張，重要嘅野要講2次！不過蝦係每人2隻，蠔1人1隻，乳鴿就2個人1隻，其實都真心好夠食，係未上炒飯個陣我直頭叫佢唔好上住，因為怕食唔晒，點知男朋友原來餓鬼爆發，細食人士一定一定唔會食得晒。咁平係咪會覺得d野好差呢，又唔係喎，d野食好正常喎真係，同一段酒樓質素無異。突然想食海鮮，又唔想去西貢/鯉魚門真係可以考慮下喎。我最鍾意係蒸魚，因為佢蒸嘅火喉好好，時間岩岩好無過熟，肉質好滑。而乳鴿就因為係熱辣辣脆卜卜，我個日去到差唔多圍圍台都食呢個餐，好誇張。