德福閣

而家市面上普遍嘅晚市自助餐都要$6xx起，原來呢到嘅晚市自助餐只需$398，價錢真係好平呢！食物大致上有前菜、沙律、凍海鮮、刺身、熱盤、飲品及甜品，包括任飲啤酒🍻任食Movenpick雪糕🍦真係超正呀😍入座後，店員先送上每人4隻生蠔🦪今日係法國生蠔，蠔肉都幾飽滿，口感creamy, 淡淡嘅海水味！凍海鮮有松葉蟹腳、蝦及青口，松葉蟹腳唔會太咸，蟹肉一絲絲，而且幾鮮甜！蝦肉都ok, 幾彈牙～熱盤分別有芝士燒生蠔、燒香草羊髀、泰式魚餅、麻辣水煮牛肉、辣子雞、日式茶碗蒸、鮮菇扒時蔬、中式炒飯、海南雞、清蒸海上鮮、中式老火湯及西式湯等等，款式選擇都幾多！任食即焗芝士燒生蠔同埋泰式魚餅好好味😋甜品區有幾款原個切件蛋糕、楊枝甘露、生果、朱古力噴泉、Movenpick雪糕、即焗梳乎厘及即製Pancake，選擇好豐富😍楊枝甘露好足料，又夠凍，好好味😋香蕉Pancake配上Movenpick雪糕正呀！呢到嘅Movenpick雪糕有好多種口味，我食咗薄荷朱古力味及士多啤酒味自助飲品機有咖啡、奶茶、鮮奶及朱古力等等，另外亦有蘋果汁、樽裝可樂、罐裝雪碧、忌廉梳打及啤酒🍻整體嚟講，環境舒適，唔會好嘈吵，食物質素唔