上海萬家村小館

Open Now

Now Closed

好耐冇行過深水埗，今日心血來潮諗住去深水埗食傳統的麵店。不知是不是時間太早的關係，想食的麵店未開門，經過見到一間上食上海菜的食肆。好似係OpenRice見到食評都唔錯，一於試吓。裝修比較傳統，但乾淨。午市套餐選擇都幾多，價錢有平有貴。一個套餐包一個餐前小菜，青瓜偏硬味道酸酸辣辣，木耳爽口。上海豬扒擔擔麵 $44炸豬扒有三大塊，熱辣辣，炸得非常香脆。擔擔面也不錯。回鍋肉炒年糕 58回鍋肉都幾多，年糕口感煙靭，炒得很香口，但感覺有少少偏油。招牌鮮肉包汁小籠包5隻 $46上海菜怎能不叫小籠包，小籠包皮薄汁多，果然可以叫得上是招牌。每個套餐都送一杯飲品，可以揀汽水或者豆漿，食上海菜當然配豆漿，豆漿豆味濃郁，味道不是太甜，唔錯。三個餐埋單148 ，價錢真的不算貴，而且老闆人感覺非常好，見到有客人入店買外賣，全身都是汁，還請他飲凍豆漿。