蒲田日本料理 (Closed)

琴晚同朋友o係銅鑼灣睇完中巴大戰，見成條街都係人，就落o左灣仔搵o野食，見呢間鋪頭價錢都幾抵，就入o左去試o下。呢間鋪頭d定食都唔算貴，40零蚊至60幾蚊度，包主菜、前菜、漬物同麵豉湯咁。另外又有d套餐，包主菜、湯麵或飯同兩件壽司，48蚊。我就揀o左個汁燒牛肉，d牛肉燒得幾唔錯，有肉味又唔會太乾身，不過個湯麵就好唔掂，麵唔夠彈牙，湯底又好似水咁淡，另外壽司又好唔得，飯就散修修，三文魚又唔夠新鮮，有d影響胃口喎！不過講真，幾十蚊食日本o野要求當然唔可以咁高，而家起碼份量夠，食物質素都算合格，糧尾想食下日木菜呢間算係個唔錯既選擇。