定食8 (Closed)

兩條化骨龍放學就叫肚餓……其實我都有d餓😂 一個話要食烏冬，一個話想食飯! 我就口痕想食少少嘢。。。喺熊貓酒店即係悅來坊行下行下，見到呢間"定食8"嘅下午茶餐牌，已經吸引住我 佢有烏冬,有壽司,有飯，又有天婦羅等等唔同嘅餐，都只係二十幾蚊至三十幾蚊!本應唔係好肚餓嘅我都忍唔住自己叫多個餐😂😂佢每個餐都附送一款三文魚湯， 佢嘅用料一啲都唔hea ，係有大量嘅三文魚肉及白蘿蔔 ! 成碗湯好鮮甜，唔會好咸， 阿仔仲將啲湯撈落啲飯嚟一齊食， 佢都話好好味炸蝦天婦羅丼飯 $23( 有天婦羅蝦、茄子、蟹柳、蕃薯、秋葵)佢畀嘅蝦都唔細隻，所有都炸得脆卜卜! 上到枱畀我時啲嘢食都係熱嘅，代表佢哋係即刻炸👍! 三文魚壽司配烏冬 $28細佬話烏冬嘅湯底唔及三文魚個碗湯好飲!! 所以佢將啲烏冬放咗落三文魚湯度一齊食😂😂雞扒丼飯 $28豬扒好滑溜😍 配埋醬汁撈飯，完全係不需思索， 極速地爬完一碗飯🤣🤣🤣嗰度你要飲茶的話……就要自己出去自助針! 我覺得嗰杯係麥茶嚟嘅，好好飲， 當你食完飯之後飲一杯香濃嘅茶， 就可以消化咗呢一餐， 夜晚又可以再食嘢了😂😂