西貢餐室

Open Now

Now Closed

通常在假期的早上，都會來這間「西貢餐室」食早餐的。貪佢無外面茶餐廳咁嘈和咁多人。這間餐廳的裝修很簡單，不過就很乾淨。而且無任何油煙味，食完野都唔怕個身有陣味。餐廳的面積細細地，位置唔算多。室內有卡位、有普通檯；室外門位置都有兩張細檯，方便吸煙的又或者攜帶寵物的食客。早餐的選擇不算多，都係粉麵類和三文治之類。我每次來都係食粉麵的，今次就叫左豬頸肉墨丸米粉和熱奶茶。先講份量，無錯佢係比其他餐廳少，餸只有四片豬頸肉同埋一開二的墨魚丸。不過睇返價錢其實只是$26，仲包埋多士和熱飲，咁就變得抵食。至於味道，湯底有少少泰式粉麵果種味道、豬頸肉煎得幾香、墨丸和米粉正正常常，整體加埋合晒格。奶茶味道都過得去，唔覺苦澀，合格。咁樣佢都算得上係一個平、靚、的早餐，值得再幫襯多次。