ME.N.U (Closed)

上星期某日無無聊聊從德福走到淘大,從未來過的淘大花園,原來有咁多野食~~~從OPENRICE讀到ME.N.U的好評不少,重要嘅係哩度有我喜愛的"焗"物,所以就揀左哩度進行我哩一日的晚餐~自助式的形式就好似大家樂大快活咁,自己買野食,自己搵位,唔同嘅係野食會有人送到你面前~選擇唔算多,但都令我唔知點掞好....哩一晚二人的晚餐由我決定:-墨魚汁海鮮熱石窩飯熱辣辣出哂煙咁送上,滿面芝士,觀感已令我口水都流哂,翻一翻入面,黑色的飯令我期待,但係一試之後就有少少失望,因為黑色嘅飯同白飯味道無分別,無半點墨魚汁嘅味,但係芝士之多就足夠我夾埋飯一齊食,亦都補救到~海鮮雖是雪藏,本來亦無期雜,但係分類唔少,值得一讚~~~和風咖哩豚肉飯本來以為是普通日式咖哩飯,但上菜後見到不一樣的啡色原來有驚喜,有DD辣味嘅咖哩,好開胃,薄切的豚肉好好咬口,一D都唔"un",成個飯都好match~~50蚊多D就食到滿意嘅晚餐,好滿足了~哩間ME.N.U值得encore!!!!!!!!!!