Mini Friday (銀城廣場) (Closed)

有朋友生日，我地冇去酒吧飲酒，冇去高級餐廳据扒，簡簡單單喺樓上餐廳食返餐傾下偈都幾舒服。呢度嘅裝修簡約，環境氣氛好適合朋友聚會，我地點左幾款食物：辣肉腸巴馬火腿薄餅薄餅香脆夠薄，食落去卜卜聲。巴馬火腿配合埋芝士同薄餅一齊食層次豐富，火箭菜亦夠新鮮，可以中和口裡嘅咸香。水牛城雞翼每隻雞翼都掛滿醬汁，酸酸辣辣咁，偏向屬於微辣，連唔食辣嘅朋友都食好，而且雞肉嫩滑，好開胃。皇牌威靈頓牛柳酥皮金黃酥脆，切開之後 （唔記得影）牛柳係粉嫩嘅，有一層厚厚嘅菇蓉，香濃好味。而且牛熟控制得很好，牛柳唔會有過多嘅肉汁留出，又唔好韌。心太軟配雪糕外層脆脆的，切開之後就見到流芯。朱古力味濃郁，配埋凍凍嘅雪糕食超正。焦糖燉蛋面層嘅焦糖燒得十分香脆，聞到陣陣嘅焦糖香味。入口時侯同內層嘅嫩滑燉蛋互相融合，口感層次豐富。而且燉蛋本身唔會過甜，連埋焦糖食啱啱好。