大門食堂 (將軍澳廣場)

Open Now

Now Closed

是日到將軍澳搵食，行到去將軍澳廣場Aeon入面，本來想食薩莉亞，但見到排隊排到出門口，所以去咗隔離大門食堂喺將軍澳晚飯時間唔使排隊可以直接入坐，真係好少可，入到去見到裝修都幾好，唔錯一睇個餐牌發現原來d野都幾平，就叫咗大門拉麵（$48）同埋味噌煮鯖魚定食（$60）大門拉麵上咗先，d荀好入味，叉燒厚切唔太鹹，湯底濃郁，$48你都唔會expect會好味到好似其他拉麵專門店咁，將貨就價黎講絕對抵食！平時食開燒鯖魚，今日試下味增煮鯖魚，有兩大件鯖魚，味噌加上鯖魚係唔錯既配撘，只係前菜係一舊豆腐有d失望，但整體黎講都係唔差埋單$108，咁既價錢食到咁既質素，可以話係好抵食！