Hunger Strike (般咸道) (Closed)

今日個schedule超full，就想係西營盤附近食個快飯😗點知俾我搵到間hunger strike 餐廳係附近，聽過朋友話水準唔錯，咪膽粗粗去食下囉，結果相當唔錯😎哩間餐廳坐位唔多，裝修好似小賣部咁，餐牌係曬頭頂附近，而且見親都係附近嘅街坊黎買外賣走，可能係因為價錢好親民抵食，相當受歡迎👍野食方面，咁我叫左個青咖喱雞飯嘅套餐，有例湯加個野飲，青咖喱味道好正宗，香料落得啱啱好，少少辣，所以怕辣嘅朋友可以放心食用😉另外，，雞肉比我想像中仲要份量多😀😀好似食極都仲有係底😂😂而最驚訝嘅係，佢個例湯竟然係正常老火湯，仲以為係泰國嘅酸辣湯😂😂😂 不過好足料，連湯渣食埋，飽到個肚凸曬出😅總括而言，餐廳水准相當唔錯，如果想食個快飯嘅話，哩間餐廳值得一試，但位置唔多，所以叫外賣都得。食完今次哩餐，我要搵下屋企附近有無開佢嘅分店，就唔洗走咁遠先食到好西😎😎