水門雞飯 (汀角路) (Closed)

餐廳名就係「水門雞飯」，咁當然要叫招牌水門雞飯啦😆雞已去骨，份量都幾多。大部分雞肉都幾滑，就算有小部分唔算太滑但都絕對唔鞋😋話說呢到嘅雞一定要點醬食先係最好食！油飯保持乾身，如果味道再濃烈點就更好。隨雞飯仲送碗湯㗎！整體都唔錯😆.炒通菜食落有點點辣，味道唔錯。.椰青大大個，幾好飲。肉多水多，肉同水都甜.串燒和平常食到的都差唔多。.生蝦都幾大隻，都好食同厚肉，但如果食落如果可以更爽口就更好了。.最後當然叫番個芒果糯米飯做甜品！店員話佢地係用泰國芒果，食落同我地平時食開嘅芒果真係有唔同🤔會硬身啲同芒果本身都偏橙色啲。糯米飯偏腍，係好食嘅糯米飯。椰汁份量夠。