泰‧雅

Open Now

Now Closed

屯門雅都商場雖然外觀麻麻，望落似死場，原來一樓有個food court，入面有多間餐廳提供多國既美食選擇，睇個樣真係估佢唔到🤣今次食既呢間就係泰國野既代表，香港食泰國野一向都唔算話平，但呢間個價錢都尚算親民👍我地叫左泰式燒豬頸肉飯，泰式辣炒牛肉飯，半打串燒同椰汁冰豬頸肉飯有成8舊豬頸肉，size都大份，夠鋪滿大半個飯，肉身有返一定厚度，而個肉質係爽口既。辣炒牛肉飯唔係炒飯黎，原來淨係牛肉係炒，不過又炒得幾好味，辣度適中，個辣汁用黎餸飯一流，而且牛肉份量亦都多。串燒就叫左3串牛3串雞，50蚊就有半打，圍返唔使10蚊串，叫幾抵食，個人認為雞肉較好食，肉質燒得淋d😂