日牛涮涮鍋專門店 (Closed)

新蒲崗依間牛涮鍋放題開左好多年，一直都好少幫襯，今日下午心血來潮想打邊爐就諗起佢。佢有分單碟同放題，兩者都可以任食出面嘅配菜同埋飲品甜品。我就揀左最平放題餐$118，因為單碟最平都要$88差三十蚊就試試佢。配菜一眼睇哂，以素菜菇菌同肉丸腸仔為主，都係啲普通急凍貨色，唔會有太大期望。最平嘅餐配嘅肥牛只有澳洲牛，唔好煮太耐30秒夠，太耐好鞋口。$118 可以接受。個鍋都係細鍋為主，幾片牛幾條腸已經打爆左。菜係新鮮嘅。甜品除左有機濟雪糕外就係依個櫃，一眼睇哂。本人冇試。個人食完覺得食物同價錢係成正比，價錢都唔算貴。但服務質素認真麻麻，冇人執枱收碟之餘，上菜速度都好慢。