香港郵意 (Closed)

平時喺尖沙咀食嘢一直都覺得嘢食好貴而且好多遊客但係今次，去咗呢個比較隱蔽嘅商場地理位置其實係好方便。商場入邊好多野都好平仲隱藏左一間好靚嘅咖啡店，一入到去入邊有啲甜品櫃同埋個場地好大，覺得呢度非常適合包場。餐廳選用左自助模式，所以自己出去買嘢食另外食完野都要自己放返出去。我哋叫咗個全日早餐，其實真係幾底入邊嘅材料好多有腸，炒蛋，炒菇，煙肉，牛角包，沙律菜，仲有車厘茄。分量超大，蛋炒得好香而我覺得有驚喜嘅係佢嘅車厘茄好好食，仲有佢嘅腸仔煙肉都好好味。另外叫咗個薄餅，佢驚外皮好脆，用咗非常薄嘅餅底所以食落去口感真係好正配埋啲芝士，煙肉份量都好多仲會有啲酸瓜同埋青瓜，最緊要佢嘅芝士味好香瀧成件事都好滿足另外見到佢夜晚仲有甜品放題下次真係要試吓。