Video
Read full review
2020-10-26
95 views
食肉獸又出動！發現屋企附近有呢一間平價嘅自助熱石牛食，梗係call齊朋友一齊嚟試吓啦。雖然我哋係熱門時間入嚟，但係都唔會話等好耐先有嘢食，因為半自助嘅形式，好快就有得食。我就揀咗食牛肩排，埋單都只係$80 ，好抵呀。叫完嘢食之後，就可以出去自己拎嘢食啦。值得一讚嘅係呢度防疫意識好足夠，出去自助吧拎嘢食，一定要戴口罩㗎，咁就唔會噴晒啲飛沫落去嘢食度。呢度嘅自助吧有沙律，配兩種醬:芝麻醬同埋柚子醋。另外仲有麵豉湯，飯，仲有紫菜粉可以自己鋪落去。另外仲有點牛肉嘅各種醬料：蒜蓉，秘製燒肉汁，同埋辣醬。不過就算唔想攞醬汁，枱面亦都有其他調味料：有喜瑪拉雅鹽，黑椒粒，同埋燒烤香料。拎完嘢食就快啲去攞圍裙啦，因為勁快就已經可以食牛啦！呢度好貼心，石板同牛放上黎嘅時候會有一張紙巾，防止啲油彈到成面都係，抵讚！我哋見到枱面黐住咗一個小小嘅instruction，提我哋趁佢熱嘅時候，快啲將舊牛切到細細粒整熟佢，不過就算塊石板凍咗，原來都可以同職員講叫佢哋換過另一塊熱嘅石板，咁都俾佢諗到喎。我就唔鍾意食全熟嘅，自己燒就可以自己控制佢生熟嘅程度啦，我就整到七成左右啦。首先食一舊牛試吓個味先，好多肉汁，而且有好
雖然我哋係熱門時間入嚟，但係都唔會話等好耐先有嘢食，因為半自助嘅形式，好快就有得食。
我就揀咗食牛肩排，埋單都只係$80 ，好抵呀。叫完嘢食之後，就可以出去自己拎嘢食啦。
值得一讚嘅係呢度防疫意識好足夠，出去自助吧拎嘢食，一定要戴口罩㗎，咁就唔會噴晒啲飛沫落去嘢食度。
呢度嘅自助吧有沙律，配兩種醬:芝麻醬同埋柚子醋。另外仲有麵豉湯，飯，仲有紫菜粉可以自己鋪落去。
另外仲有點牛肉嘅各種醬料：蒜蓉，秘製燒肉汁，同埋辣醬。
不過就算唔想攞醬汁，枱面亦都有其他調味料：有喜瑪拉雅鹽，黑椒粒，同埋燒烤香料。
拎完嘢食就快啲去攞圍裙啦，因為勁快就已經可以食牛啦！
呢度好貼心，石板同牛放上黎嘅時候會有一張紙巾，防止啲油彈到成面都係，抵讚！
我哋見到枱面黐住咗一個小小嘅instruction，提我哋趁佢熱嘅時候，快啲將舊牛切到細細粒整熟佢，不過就算塊石板凍咗，原來都可以同職員講叫佢哋換過另一塊熱嘅石板，咁都俾佢諗到喎。
我就唔鍾意食全熟嘅，自己燒就可以自己控制佢生熟嘅程度啦，我就整到七成左右啦。
首先食一舊牛試吓個味先，好多肉汁，而且有好香嘅牛味呀！
跟住就試吓落佢啲調味料，我覺得三個調味料落晒個味道就最好食啦，鹹鹹地然後又有黑椒嘅辣味，又有燒烤香料嘅香味，食落去真係一流！不過仲有另一個食法就係送飯食，我就覺得如果送飯食除咗落香料，佢個秘製燒烤汁一定要點啊！用嚟送飯真係可以食晒成桶飯。因為呢度啲飯係任裝㗎，食完唔夠飽可以再食啊，飯桶就記得過嚟食啦！
Post
