山景閣

Open Now

Now Closed

阿媽唔知係邊度搵到呢間自助餐嘅優惠，夜晚食一餐自助餐都係300幾400蚊有找，去之前都唔會抱太大希望，一心諗住當陪阿媽就算數，點知入到去第一眼就見到竟然有生蠔，真係好有驚喜。生蠔急不及待食咗兩隻，質素唔差有海水味，仲有我最愛嘅長腳蟹，三個鐘自助餐全無間斷供應唔使同人爭同人搶，長腳蟹肉質唔錯仲有海水味，新鮮鮮甜，食兩碟已經回本啦。好嘢真係唔好俾佢停，超多肥美三文魚，又係無間斷供應，好食到唔停口。除咗呢啲都有好多平時價錢好高嘅食物，呢度竟然都食到，我覺得食物選擇雖然唔多，但品質同味道都絕對超值。熱盤都有唔少選擇，其中大大條星斑一定要試啦甜品方面有蛋糕同生果，不過最精彩當然係有即整嘅pancake，同埋movenpick 雪糕啦！任飲任食都係呢個價錢，今次真係要讚阿媽做得好，呢度非常抵食，絕對可以再嚟多10次8次。