山景閣

Open Now

Now Closed

有親戚黎香港想食自助餐，咁係openrice見到呢間自助餐三百幾蚊好平，地點又方便佢，所以就黎左食。餐廳正正係酒店大堂隔離，所以都幾容易搵到。而我地都好好彩被安排到近食物既位置，可以知道幾時有新野出，哈哈。基本上一般自助餐有既食物都有既，沙律d款式都幾齊全，刺身卷物海鮮當然都係唔少得喇！蟹腳同生蠔都係定時出一輪，所以坐近放食物既地方係好大優勢。不得不說個蟹腳幾好食，夠鮮甜。熱食方面，飯麵一定唔少得。比較特別既係泰式鱸魚同羊架，羊架味道都不錯，夠淋，而且個汁都幾好。場内仲有即叫即整既pancake，新鮮熱辣。甜品區都有十幾款甜品，朱古力噴泉呢d都係必備既。而我就係咁食雪糕櫃既雪糕，哈哈。總括而言，以三百幾蚊既自助餐黎講，算係唔錯既。今時今日都已經幾難搵到呢個價位既自助餐。