意樂餐廳 (禾輋廣場) (Closed)

意樂係間平價意式西餐廳，佢既價錢合理，份量剛好，weekend下午茶既時候等5分鐘左右就可以入座，野食多元化， 總會揀到一樣岩你口味，所以我都經常黎食。香辣欖油煙鴨胸炒天使麵($39) 成個天使麵賣相吾錯，煙鴨胸份量岩岩好，食既時候帶有少少辣味，加上洋蔥、鮮茄、菇，口感豐富，略嫌蕃茄帶少少酸。西西里式鮮茄豬焗豬扒焗珍珠飯($37) 估唔到焗飯上面既茄子食起黎外皮脆脆，好有驚喜。芝士同鮮茄既配搭幾match，吾會令成個焗飯太膩，豬扒軟淋易入口，整體吾錯。水牛城辣汁雞翼(加配$10) 雞翼食落吾算好辣，而且幾惹味，不過跟餐都要加10蚊，就覺得少少偏貴。