Fifty Fifty (Closed)

唔想煮飯唯有落街食，又唔想食咁貴，於是嚟咗呢間平民西餐！價錢好經濟實惠！食物份量足，味道亦都唔錯裝修都幾骨子，燈光昏暗，感覺都有啲情調。呢度用電話落單，方便快捷落單之後好快送上餐湯。其中一個主菜係牛肝菌扁意粉。雖然好快就有得食，但意粉熱辣辣新鮮煮起㗎！意粉質感剛剛好Al dente，加上大量菇菌，幾好食！另一個主菜就係澳洲肉眼配大虎蝦虎蝦好味！蝦頭仲有蝦膏！Set dinner 包埋甜品同餐飲唔想要普通餐飲可以加錢要水果茶，非常消滯甜品都可以加錢轉其他嘢☺️ 呢個pancake好好食！如果pancake皮蛋香再重啲仲正