Patisserie Tony Wong Dessert Cafe (Closed)

因為未試過去食貴婦high tea，見到Tony Wong既價錢相對親民，所以同朋友仔一行四人去左試試。Tea set個名雖然叫全日茶點，但只限14:30後供應，我地14:15去到，店員話堂食限時90分鐘，入座起計，但tea set只可14:30後落單，於是我地喺門口等左陣。其實店內坐位唔多，但14:15都幾多空位，但大家陸續入座，店員14:25話俾我地入🥰我地叫左三層既tea set，芒果四重奏同榛子蛋糕。店舖限定每人最低消費$60，而且tea set份量都幾大，可以叫啲單點，唔洗夾硬食。tea set外貌好igable，加埋雲石背景，打卡一流，望落完全唔似平價。食物質素正常，但性價比已經好高。款款都差唔多味，正正常常，落糖輕手少少更好。同行友人好欣賞，但我覺得相當普通，一般榛子味，好感有層次。值得一提既係，茶唔係用茶壺，白咖啡既拉花便係完全失敗，但店員超勤力問杯茶要唔要加熱水，抵讚。另外，店面較細，打卡會幾引人注目，大家要厚臉皮少少🤣呢個質素，呢個價錢，已經好滿意。