新蒲坊 (Closed)

呢度間車仔麵午市時間都幾多人食，買外賣都要排下隊等下，餸唔可以話有好多，睇下張圖就知：呢度有幾餸係特別好味，牛腩、雞翼、冬菇、雞翼尖，呢幾樣都係特別入味。今次我就叫左冬菇、山根同埋生菜加粗麵（＄23）同埋我每次都會加佢D辣汁，有分小辣同大辣，佢D辣係無甜味既，啱晒鐘意食辣既人～山根佢一般都係“新鮮”由一個波咁樣煮，鮮少係已經煮過入晒味，今日見到就試下。同佢一向既滷水都係好入味～不過又唔會死鹹。冬菇本身係幾大隻既，佢會將佢一開四，煮入味，口感好豐富。湯底唔會好油，粗面唔會話好焾好碎，＄23都有質素。＊呢度D餸都係賣完就無，所以想食要早D來買～ 我試過來既時候差唔多叫乜無乜，所有熱門既都賣晒；另外呢度坐位唔多，地方比較窄；下午四點過後仲有串燒。