鳴越越式料理 (Closed)

星期五晚放工要趕住同佢喺睇戲前食飯，估唔到喺中，上環哩區會有哩間咁平價嘅越式餐廳！哩度嘅環境唔錯，幾好坐。食物種類多，價錢又唔貴，而且上菜十分之快！小食叫左雞肉串燒，有3條，餣得好香，配上串燒汁調味，味道剛剛好！扎肉雞絲金邊粉，湯底好有鮮味，扎肉好香，加埋雞絲，清淡得黎亦幾有味道！佢嗌左火車頭河粉，湯底比較濃啲，有各款牛肉嘅餸菜，好有牛肉嘅香味。另外仲嗌左蒜蓉炒芥蘭，炒得好香好有獲氣！正，芥蘭又幾新鮮，唔錯！