Video
Read full review
2018-06-26
71 views
住喺荃灣，不過喺觀塘返工嘅我，日日舟車勞頓，怨天怨地問「點解我會住喺荃灣」不過好多時候當同事知道我住喺荃灣，佢哋就會心心眼輔以好羨慕嘅眼光講咗句：「你就好啦！荃灣好多好嘢食！」的確！無疑，荃灣真係好多好嘢食星期一，大家都未有返工嘅心情，屋企又冇人煮飯，隨便去咗路德圍一間越南餐廳諗住食個便飯就返屋企休息。七點半左右到達餐廳，大約坐滿八成食客；望吓餐牌，價錢其實幾實惠而且佢仲有二人及四人套餐，食物分量多，但係價錢經濟實惠炎炎夏日，其實真係唔係好想食嘢，不過沙律打開我嘅味蕾牙車快沙律 $42入面混咗青瓜絲，蘿蔔絲，椰菜絲仲有啲雞肉絲，不過略嫌辣多過酸，媽媽唔係好食得辣，所以呢個沙律比較適合鍾意食辛嘅人嚟開胃份量都唔細越式燒牛肉米紙卷 $52香料味好重，香葉捲埋入個卷到。牛肉燒得唔dry,依然肉汁豐富唔難咬有啲粉絲，生菜，甘筍等等，唔同嘅口感，散發出唔同嘅清新味越式生牛肉湯河 $68湯河唔細碗，如果想食其他小食的話，叫一碗粉兩個人分享都夠食牛肉份量都唔少，薄切嘅牛肉拌以海量嘅洋蔥絲一齊食，一爽一軟腍，口感極佳！湯底好濃郁，唔覺有味精，食完唔口渴牛油果沙冰 $22真係好鍾意牛油果呢款超級食物呢杯
不過好多時候當同事知道我住喺荃灣，佢哋就會心心眼輔以好羨慕嘅眼光講咗句：「你就好啦！荃灣好多好嘢食！」
的確！無疑，荃灣真係好多好嘢食
星期一，大家都未有返工嘅心情，屋企又冇人煮飯，隨便去咗路德圍一間越南餐廳諗住食個便飯就返屋企休息。
七點半左右到達餐廳，大約坐滿八成食客；望吓餐牌，價錢其實幾實惠
而且佢仲有二人及四人套餐，食物分量多，但係價錢經濟實惠
炎炎夏日，其實真係唔係好想食嘢，不過沙律打開我嘅味蕾牙車快沙律 $42
牙車快沙律
$42
16 views
0 likes
0 comments
越式燒牛肉米紙卷 $52
燒牛肉米紙卷
$52
13 views
0 likes
0 comments
牛肉燒得唔dry,依然肉汁豐富唔難咬
有啲粉絲，生菜，甘筍等等，唔同嘅口感，散發出唔同嘅清新味
越式生牛肉湯河 $68
越式生牛肉湯粉
$68
6 views
0 likes
0 comments
牛肉份量都唔少，薄切嘅牛肉拌以海量嘅洋蔥絲一齊食，一爽一軟腍，口感極佳！
湯底好濃郁，唔覺有味精，食完唔口渴
牛油果沙冰 $22
牛油果沙冰
$22
12 views
0 likes
0 comments
呢杯牛油果沙冰份量正常，打到好香滑；牛油果味道未算好重，但係奶味香濃，都唔會太甜，食煎炸油膩嘅嘢飲呢杯就最好不過
荃灣嘅越南菜餐廳越來越多，競爭越來越大
試過好幾間喺荃灣嘅越南菜，雖然第一次試呢間，佢有幾點係比較優勝：
價錢絕對吸引，食物唔會好貴，親民價錢。
食咗咗多樣野食埋單先$240，除翻開兩個人食每人$120
地理位置方便，就係路德圍呢條食街範圍，近地鐵之外附近亦有巴士站，四通百達食物質素唔會因爲平所以頹，以牛肉卷為例，睇得出心機時間去制作
喺香港，小店好易被忽略，因為食店太多，花多眼亂。有時候，驚喜食店都係要慢慢搵，所謂「寶物尋歸底」嘛
Post
