Video
Read full review
2022-12-16
184 views
♧ 𝙲𝚊𝚏𝚎 𝚆𝚎𝚕𝚕𝚌𝚘𝚖𝚎 𝚡 𝙱𝙱𝚀 𝙿𝚕𝚊𝚌𝚎平時都好少去到九龍灣EMAX呢邊，今日難得嚟到就一於發掘吓呢度有咩好嘢食。我哋行行吓上到嚟4樓，開頭見到全部都係傢俬舖，點知行行吓竟然見到有間佈置得幾靚嘅餐廳，見到佢嘅晚餐餐牌價錢唔貴好親民，所以就決定咗要食🤭♥︎𝙰𝚙𝚙𝚎𝚝𝚒𝚣𝚎𝚛先講頭盤，跟餐每份會有一個沙律、一片蒜蓉包同埋餐湯。個人就覺得沙律好有驚喜！本身會以為又係一對綠色菜擺埋一齊（因為我唔鍾意食沙律），最後見到係薯仔沙律好開心！佢係一份薯蓉中間夾雜左啲細細粒嘅薯粒，令到佢嘅味道豐富之餘有層次♥︎ BBQ豬仔髀配薯菜（$92）呢個價錢食到三隻豬仔髀，仲有大半碟薯條同埋翠玉瓜粒，覺得好滿足😜佢嘅豬仔髀夠晒入味，而且份量都算充足，值得一提嘅係佢個醬汁令到成個餐大大加分！♥︎香草烤羊架配薯菜（$125）呢份羊架食落一啲都唔覺得酥，有啲香草調下味感覺更好！佢一樣係價錢唔算貴，性價比極高！🥰♥︎玫瑰蛋糕跟餐嘅甜品係餐廳自家製嘅玫瑰蛋糕，輕輕一啖已經有好香濃嘅玫瑰香味，而且無論係蛋糕本身定係側邊嘅忌廉都充斥着呢浸香味，鍾意玫瑰味嘅人真係唔可以錯過😉@cafe_wellcome.bbq_place
平時都好少去到九龍灣EMAX呢邊，今日難得嚟到就一於發掘吓呢度有咩好嘢食。我哋行行吓上到嚟4樓，開頭見到全部都係傢俬舖，點知行行吓竟然見到有間佈置得幾靚嘅餐廳，見到佢嘅晚餐餐牌價錢唔貴好親民，所以就決定咗要食🤭
♥︎𝙰𝚙𝚙𝚎𝚝𝚒𝚣𝚎𝚛
先講頭盤，跟餐每份會有一個沙律、一片蒜蓉包同埋餐湯。個人就覺得沙律好有驚喜！本身會以為又係一對綠色菜擺埋一齊（因為我唔鍾意食沙律），最後見到係薯仔沙律好開心！佢係一份薯蓉中間夾雜左啲細細粒嘅薯粒，令到佢嘅味道豐富之餘有層次
♥︎ BBQ豬仔髀配薯菜（$92）
呢個價錢食到三隻豬仔髀，仲有大半碟薯條同埋翠玉瓜粒，覺得好滿足😜佢嘅豬仔髀夠晒入味，而且份量都算充足，值得一提嘅係佢個醬汁令到成個餐大大加分！
♥︎香草烤羊架配薯菜（$125）
呢份羊架食落一啲都唔覺得酥，有啲香草調下味感覺更好！佢一樣係價錢唔算貴，性價比極高！🥰
♥︎玫瑰蛋糕
跟餐嘅甜品係餐廳自家製嘅玫瑰蛋糕，輕輕一啖已經有好香濃嘅玫瑰香味，而且無論係蛋糕本身定係側邊嘅忌廉都充斥着呢浸香味，鍾意玫瑰味嘅人真係唔可以錯過😉
@cafe_wellcome.bbq_place
📍九龍灣展貿徑1號九龍灣國際展貿中心4樓21、23、25號鋪
💰人均消費：約$120
Post
