漢陽樓韓國料理 (Closed)

係將軍澳住左幾年都未食過呢間餐廳就不妨一試，反正平平地。一入到餐廳都幾多人食快餐，而唔係韓燒，於是我都揀左食午餐，價錢由3X蚊至4X蚊不等。我就揀左雜錦大碗飯，貪唔駛諗，雖然有牛肉我又唔食，一於益埋朋友。個套餐本身仲包埋前菜，真係慳番隻碟放埋入碗內，真係一碗過，夠晒大碗。大碗飯除左有菜外，有牛肉、雞肉同荷包蛋一隻。係韓國餐廳飲湯竟然係中湯，節瓜煲瘦肉湯，都幾正氣。哈~ 仲比埋兩件橙，認真夠晒飽同健康。朋友就揀左鰻魚飯，鰻魚細細件，又冇乜汁，唔多掂，唔抵食。朋友的前菜就分開左用另一隻碟放，認真奇怪。仲有個餐包埋野飲，可以飲酸梅湯或豆漿，我地就要齊兩款，同時試晒兩款，不過都冇乜特別。