火星料理 (Closed)

今日早放學就約左朋友食lunch,知道觀塘工廈不嬲多野食揀，後見好耐冇食韓國野就揀左呢度。門面都幾靚，好大個招牌手，一眼就望到。發現都幾多選擇，有拌飯，湯面，壽司同炒年糕等。綠茶都幾好飲，好香濃既茶粉味。由於冇食早餐關係，同朋友點左兩個飯加小食。壽司配年糕$75壽司姐係紫菜包飯，足料之餘，飯都夠味。炒年糕夠煙un,都幾辣，個汁煮得好味，年糕吸晒汁既辣，水準出色。海鮮豆腐湯配飯 ＄75海鮮湯啊有好多配料，豆腐，蜆，蠔，蝦，墨魚同雜菜，好豐富。配飯食就當湯飯，鐘意個湯夠清淡同健康。招牌辣汁豬肉雜菜拌飯＄60呢個飯最出色，正宗韓式拌飯，見到周圍好多人都點左。豬肉，豆芽，羅白絲，菜，泡菜等配料本身已經好夠味，溝埋汁更好食，啖啖飯都食到配料，最好食係呢個飯，下次黎必食。