韓日燒 (Closed)

以前在西九龍中心附近返學，日日都上去food court，十幾蚊一個幾餸飯，再唔係就貴少少去食韓燒等。現在西九龍中心越開越多食肆，其中一間韓燒更是平絕全港九，百幾蚊有過百款分別是燒肉、蔬菜、壽司、刺身、熱薰、甜品及啤酒汽水等，還有長者及小童優惠，晚餐一百蚊都唔使，有幾多間食肆可以做丫？雖然價錢平，但食物質素都不錯，肉食有豬、牛、雞，各自有多款不同調味。蔬菜、腸仔、丸類任君選擇。熱薰有炸春卷、咖哩角、韓式炸雞、湯羹等。迴轉壽司及刺身多不勝數。甜品中必食豆腐花，新鮮有豆香且夠滑。其他汽水、五花茶及無糖飲品，可自行加糖調較甜度。最欣賞係佢任飲啤酒，都有三四種，其次清酒、梅酒、Vodka，真係飲酒都夠回本啦。