檳城日和 (粉嶺中心) (Closed)

人地成日話新界區係美食沙漠，今日去左粉嶺搵朋友，當然跟地膽食好野啦，揀左呢間新開既檳城日和，餐廳環境乾淨企理，食物種類都幾多選擇🥰💕手撕鹽焗雞冬菇麵配鮮豬骨雞湯 ($71)湯底用上大量豬骨同雞熬製非常清甜，配上手撕雞啖啖肉，冬菇超厚肉又入味，另外加配大蝦🍤鮮味十足💕馬拉雞拼盤 ($78)呢個拼盤好豐富，有馬來炸雞翼、炸蝦醬雞翼同雞髀肉串，雞翼都幾大隻，炸到好酥脆，雞髀肉串啖啖肉勁好食💕五香脆炸豆腐豆卜 ($28)炸豆腐外脆內軟，勁好食既小食，推介💕炸蝦醬雞翼 ($38/4隻)頭先食完個馬拉雞拼盤仲有啲意猶未盡，再encore多一客蝦醬雞翼，鹹香十足😌💕自家製班蘭咖央多士 ($35) 咖央多士外層烘得香脆，中間搽左咖央醬同鮮牛油，甜甜地又幾好食😚💕凍冰糖檸檬薏米水 ($28)薏米水有去濕既功效，加埋檸檬可以美白，我地兩個女仔都話一定要叫黎飲，凍飲透心涼超正💕熱冰糖檸檬薏米水 ($26)朋友叫左杯熱既冰糖檸檬薏米水，甜度適中，酸酸甜甜解膩一流😉🏠檳城日和 (粉嶺中心)📍粉嶺新運路33號粉嶺中心地下103及108號舖