Video
Read full review
2020-12-23
491 views
今次再帶大家去食印度嘢，平時我嘅最愛係 Chicken Tikka Masala，但今次想搞搞新意思，所以叫咗其他嘢食。同埋呢度最吸引嘅係，叫一個餐就可以任食naan/ potato naan/ 飯/ 千層餅，加兩蚊仲有嘢飲添，超級抵食！最平48蚊就有一個餐，仲唔洗加一。板烤羊鞍扒+烤雞腿配咖喱汁 $95超級推薦呢個set！首先我係唔食羊嘅人，但我都覺得呢個羊鞍扒好好食！聞落係有羊臊味，但食落口冇！無論你係鍾意羊臊味定唔鍾意，呢個羊鞍扒都滿足到你要求！但脂肪位就會臊好多。然後啲烤雞水準極高！食到好香嘅碳香味，連伴碟嘅青椒都有碳香味，好加分。肉質彈牙，唔會好霉或者鞋。然後個咖喱汁就偏酸，點naan食唔錯，而羊鞍扒同烤雞腿我就比較prefer就咁食，可以食翻佢地原本嘅肉味。菠菜雞 $68雞全部都係雞肉！成碟基本上都係雞肉，就咁食都好飽肚，但雞肉肉質就冇烤雞咁好，煮得比較老。而菠菜汁就好好食，比較淡味，如果可以多啲汁，少啲雞肉就好啦。Potato Naan 之前都係食開普通naan，今次就試下potato naan，原來係naan中間加咗薯仔碎，成個naan食起身飽肚好多，口感比較軟綿綿。千
板烤羊鞍扒+烤雞腿配咖喱汁 $95
超級推薦呢個set！首先我係唔食羊嘅人，但我都覺得呢個羊鞍扒好好食！聞落係有羊臊味，但食落口冇！無論你係鍾意羊臊味定唔鍾意，呢個羊鞍扒都滿足到你要求！但脂肪位就會臊好多。然後啲烤雞水準極高！食到好香嘅碳香味，連伴碟嘅青椒都有碳香味，好加分。肉質彈牙，唔會好霉或者鞋。然後個咖喱汁就偏酸，點naan食唔錯，而羊鞍扒同烤雞腿我就比較prefer就咁食，可以食翻佢地原本嘅肉味。
32 views
0 likes
0 comments
32 views
1 likes
0 comments
菠菜雞 $68
雞全部都係雞肉！成碟基本上都係雞肉，就咁食都好飽肚，但雞肉肉質就冇烤雞咁好，煮得比較老。而菠菜汁就好好食，比較淡味，如果可以多啲汁，少啲雞肉就好啦。
18 views
1 likes
0 comments
Potato Naan
之前都係食開普通naan，今次就試下potato naan，原來係naan中間加咗薯仔碎，成個naan食起身飽肚好多，口感比較軟綿綿。
20 views
0 likes
0 comments
千層餅
第一次食千層餅，我超級鍾意，餅皮整到好鬆脆，比起普通naan香口，點咖喱食都好食啲。
31 views
1 likes
0 comments
Mango Lassi $15
呢度嘅Mango Lassi平到唔敢相信！飲到好濃郁嘅芒果味，但可能因為有太多冰，所以杯嘢越飲越淡，但$15嚟講，我覺得好唔錯，建議大家儘快飲。
21 views
0 likes
0 comments
粟米湯
第一次食印度餐廳，會送餐湯！覺得係比較淡味嘅粟米湯，飲到加咗蒜頭，不過不失。
Post
