肥仔海南雞專門店 (順豐大廈)

Open Now

Now Closed

覓食元朗一直都唔知道元朗有呢一間賣海南雞飯嘅舖頭。由於我阿媽非常之鍾意食海南雞飯，所以我就外賣晚餐我同佢一人一盒海南雞飯。鋪面唔係好大，尚算整齊，嗰陣5點幾，除咗我之外仲有兩個人嗌外賣。雞係完全去骨，而且好軟滑，唔會太淋或者韌！油飯仲淋上甜豉油，又有蒜香味，令到味道更加豐富。雞隔離仲有啲薑蓉，另外附送咗一細樽酸辣汁，全部野加埋晒一齊食非常之惹味！外賣仲每人送一杯雞湯，味道濃郁，入面有一舊仔冬瓜，幾好飲！薏米水就OK啦，清甜。薏米大概佔一支飲品嘅四分一左右，幾足料。分量來講，我覺得充足食完都幾飽，我阿媽就比較大食，佢就覺得要加飯。