滿滿丼 (Closed)

抵食日式丼飯，賣相吸引，價廉物美。如果唔想食吉野家嗰啲連鎖店日式丼飯，呢間係唔錯嘅選擇。賣$19蚊既細牛肉丼，成碗有3份1係牛肉，牛肉肥瘦均勻。啲牛肉汁仲要流晒落下面啲飯，配汁食勁香，仲唔會太鹹。好邪惡！性價比極高。一口牛丼都唔錯，牛既份量唔算多但係勝在爆汁、肉質好淋，咬落仲有淡淡地既脂肪香，唔擦子膠。似係平時食日式燒肉嗰啲質素。朋友叫咗個鰻魚丼，都指質數對得住價錢。小食都值得一讚。煮蜆好入味，好重牛油香。薯餅係紫薯，啱啱新鮮炸，食落熱辣辣。真心幾抵食！最貴果個飯先係60幾蚊，怪唔得好多學生哥幫襯。