一休(居食屋)日本料理 (長發廣場) (Closed)

係附近接完男朋友放工，見到餐廳外面有幾個拉架介紹食物，好似好多款式，價錢又平民，幾吸引，所以我地就入左去。雖然我地得2個人，但店員好好咁帶我地去坐4人架位，話比我地坐得鬆動d。見到晚市定食一人套餐好抵，有好多吾同款既食物揀，但只係50-70內。因爲男朋友鐘意食牛，又見天氣凍，所以叫左雜錦牛肉鍋定食。鍋入面吾止有肥牛，重有好多款蔬菜，例如金菇、娃娃菜、小棠菜等，非常入味，好送飯，而且牛肉份量幾多。而我叫咗鰻魚炒飯，非常香口，重差吾多每啖都有鰻魚粒，幾惹味。之後想試魚生，所以點左半客三文魚肥腩刺身，幾新鮮，厚得黎有口感。大食既我地重叫左芝士吉列蠔卷，蠔炸得非常鬆脆，吾腥，配埋芝士，雖然好邪惡，但好食。間吾中放肆下，冇所謂既。最後，我地重叫左燒牛舌，醃得好入味。今餐真係食得好滿足。