Video
Read full review
2013-11-16
375 views
假期前夕, 六時半到達, 人影都無一隻, 只有我們二人, 生意可想而知, 其實, 連鎖店式的餐廳, 品質上沒有太大差異, 理論上, 要判斷一間連鎖店做得是否優勝, 基本上就是判斷其在不同的店所供應的食品, 差異是否很大. 至於好與差, 必定要依據其收費來判準, 否則便不合情理了. 當然, 些微的差異總是有的, 但基本上都是差不多, 就好像麥當當, 做得最統一的食品味道, 你可以話係統一難食, 次次去到都咁難食, 但又可以話係統一最有效率, 無論幾時去到, 都可以係指定時間內食完走人, 視乎需要, 各人不同, 但其提供了在最大服務範圍內最少差異的供應質素.凱撒沙律 Caesar Salad $33羅馬菜新鮮, 爽口, 件件都入口十十聲, 少少煙肉碎, 芝士粉味道少濃, 烘麵包粒唔夠脆口, 些少淋身, 但整體還算滿意.意大利風薄切鮭魚 Salmon Carpaccio $33義大利生牛肉稱為”Beef Carpaccio”, 而有時只稱為Carpaccio, 甚少聽過Salmon 都可以寫為 Carpaccio, 真係巧立名目得奇怪, 碟上用的是日式料理的生Salmon, 而不是Smoke
假期前夕, 六時半到達, 人影都無一隻, 只有我們二人, 生意可想而知, 其實, 連鎖店式的餐廳, 品質上沒有太大差異, 理論上, 要判斷一間連鎖店做得是否優勝, 基本上就是判斷其在不同的店所供應的食品, 差異是否很大. 至於好與差, 必定要依據其收費來判準, 否則便不合情理了. 當然, 些微的差異總是有的, 但基本上都是差不多, 就好像麥當當, 做得最統一的食品味道, 你可以話係統一難食, 次次去到都咁難食, 但又可以話係統一最有效率, 無論幾時去到, 都可以係指定時間內食完走人, 視乎需要, 各人不同, 但其提供了在最大服務範圍內最少差異的供應質素.
凱撒沙律 Caesar Salad $33羅馬菜新鮮, 爽口, 件件都入口十十聲, 少少煙肉碎, 芝士粉味道少濃, 烘麵包粒唔夠脆口, 些少淋身, 但整體還算滿意.
意大利風薄切鮭魚 Salmon Carpaccio $33義大利生牛肉稱為”Beef Carpaccio”, 而有時只稱為Carpaccio, 甚少聽過Salmon 都可以寫為 Carpaccio, 真係巧立名目得奇怪, 碟上用的是日式料理的生Salmon, 而不是Smoked Salmon. 其實即是Salmon salad, 味道怪怪, 唔太合胃口.
白油蒸廣島生蠔 Steamed Hiroshima Oyster with Wine Sauce $58差不多成二十元一隻, 蒸完出來的樣子還算不少, 完全沒有白酒揮發了後的味道, 帶一點十分微微的煋, 然而, 入口仍然不俗, 咬落仍算新鮮彈口.
烤脆皮香腸 Grilled Crispy Sausage $33無大特別, 三條長身幼香腸, 與超市的無太大分別, 而且香腸皮的脆度不足, 但勝在夠熱, 送酒一流.
咖哩炸雞排飯 KJ’s Curry with Deep-fried Chicken Cutlet Rice $58,除了咖哩不夠辣之外, 整體做得不錯, 珍珠米做飯, 粒粒分明, 彈牙可口, 炸粉略微厚, 但非常脆口, 夠熱. 另外, 還加了Topping 一件 炸豬柳 Deep-fried Pork Tenderloin $15, 共$73
Jocob’s Greek - Shiraz Cabernet Red $38飛機餐式的小樽裝紅酒, 沒甚麼好評論, 餐牌上形容有”黑莓香味”, 一點也啖不出來, 但味道與口感仍然不算差, 好過百佳十五元的貨色, 其實這枝係細樽酒, Kitchen J 只買$38, 真係超值, 一般酒精類飲品, 係餐廳, 起碼Mark-up 50%以上, 而這枝Jocob’s Greek 187ml 細樽, 係本港三大超市, 都賣$43, 還比此店貴了不五元, 有點奇怪.
最後要讚一讚為我們服務的店員, 好似叫Sally, 十分有禮貌, 笑容親切.
Other Info. :
Kitchen J 是”和民”集團下的一店, 和民集團下的三個品牌, 和民, 和亭, Kitchen J. 三間都常有幫襯, 總覺得其”市場區間”上做得不太好, 引至客戶群差異性的界定不太明顯, 而本來三個品牌, 如果在不同地區, 可能不成問題, 但在黃埔花園內, 已經有了一間”和民”, 現又在開多一間”Kitchen J”, 而兩個品牌的食品又如此相似, 加上Kitchen J的食品, 接近八成都在和民有售, 夠膽預測, 這間Kitchen J應過不了店舖的續約租期.
(The above review is the personal opinion of a user which does not represent OpenRice's point of view.)
Post
