美心西餅 (Closed)

屋企往年會自製冰皮月餅，今年因為屋企人太忙冇時間整， 我一路以為今年冇機會品嘗啲款年度焦點甜品， 點知我細妹嘅補習老師竟然突意買了一大盒美心七星伴月冰皮月餅上嚟我屋企， 說是鼓勵我阿妹畀心機做數學練習， 我細妹講笑話， 學費先300蚊一個鐘，竟然咁重禮， 真係受寵若驚😆💕講番月餅，雖然冰皮味道都係咁，每年都沒有太大新意， 但今年第一次食美心出品的夏威夷果仁黑芝麻冰皮月餅， 估唔到又有啲驚喜！夏威夷果仁碎唔算多，但黑芝麻味極濃！！ 黑芝麻打磨得十分幼滑，食落唔會一粒粒， 充滿黑芝麻粉的綠豆蓉在口中溶化，好像在食芝麻糊~楊枝甘露係咁多款中最大個嘅， 都有成隻手掌心咁大， 不過味道普通， 都係想像中嘅楊枝甘露味囉。藍莓二重奏都幾好食嘅， 中間嘅藍莓果醬都幾香藍莓味，不過有啲似食緊啫喱， 隻味假假地。講真啲個朱古力味就真係令人有啲失望， 一打開包裝已經聞到一陣陣的朱古力香精味道， 食落去亦覺得個味道好假， 其實家真朱古力碎落去都唔係好貴啫...呢個打開有好濃嘅番石榴味， 餡料有少少酸酸地， 感覺幾清新！不過總括嚟講，要我畀二百幾蚊食幾舊冰皮月餅就覺得唔係好抵... 同樣價錢我寧願食haage