峰壽司 (Closed)

終於試到喇！好好味呀！6:30去到已經要等位，等咗about 20 minutes lar!峰壽司飯ge size較細，食多幾件都唔怕會好飽！先食咗碟三文魚，雖然同其他sushi 店一樣都係$9, 但峰ge三文魚sushi 上面就放咗好多蔥，賣相好似靚好多咁！三文魚新鮮，但略嫌唔夠肥美，如果可以脂肪均勻D就應該仲會好食D！特大帆立貝($25)—真係幾大，上面塗上燒汁，好好味！特大帶了($25)—真係好大隻，隻帶子ge size = 兩舊飯咁大。質地好，少少爽，不過食完呢件野都有少少膩ge感覺。不過真係好正！吞拿魚腩($25)—超正，有入口溶化ge感覺，好鮮，回味！塩螺片($15)—係一種日式舊壽司，不用沾豉油食，因為上面放了鹽。味道鮮質地爽口！甜蝦刺身($35)—賣相麻麻，因為D蝦好似萎縮jor 咁好細隻，不過都好新鮮。花旗夢之戀—其實即係炸蝦壽司，外層有D脆脆ge粒粒，新鮮！炸蠔($25) —一碟三隻，新鮮即炸，熱辣辣！好香蠔味！軟殼蟹卷—外層用黑魚子，較特別，同花旗夢之戀一樣好味。總括黎講，好好食，新鮮，但款式好似唔夠板前/和花亭多。價錢大眾化，都算平。