樓下冰室

Open Now

Now Closed

呢排比較喜歡去冰室食飯，一來冰室價錢比較大眾化，二來香港嘅冰室質素越嚟越高，中復嘅機會較低， 而且各有各特色。今日就係鰂魚涌食咗一間叫““樓下冰室““食午飯，冰室主打食蕃茄湯通粉 。我就叫咗一個炒滑蛋蕃茄通配瑞士汁雞脾餐 $55。先講個蕃茄湯， 有滿滿嘅蕃茄味 ，酸度啱啱好，同螺絲粉十分配合 。蕃茄湯令十分開胃，就算食曬成碗都唔會覺得好滯好頂肚。 如果覺得太酸嘅話，曬少少鹽就可以中和返。炒滑蛋都做得好出色，仍然有蛋汁又熱辣辣 。之後到隻瑞士雞髀。 雞髀洪厚多肉，用足火候去煮 ，用叉一吉，已經感受到雞脾嘅鬆軟嫩滑 。個瑞士汁亦整得非常突出， 好多時瑞士汁好容易整到好甜，呢一個汁就啱啱好 。我仲特登將雞髀切到一少份一少分，咁樣就可以沾滿多啲汁。除咗蕃茄通之外，冰室亦有六大特別推介，例如煎雙蛋豬扒飯等等。希望下次試埋其他，再同大家報告。