緻好茶館 (Closed)

以前經過以為只係飲茶嘅地方,看門面見內部簡潔, 門口只放咗一個餐牌, 打開睇完通常會轉身走人, 但後來聽罷電台節目”飲食得喜”主持人的介紹才得知這裡係可以開飯嘅, 重話煮得幾出色添, 菜式係傳統廣東菜, 唔係酒家菜式反而係小家碧玉型, 港式阿媽煮飯那種鯪魚肉餅呀,蒸肉餅之類, 所以之前經過揭完餐牌走人, 心諗菜式好普通啫, 但收得貴都係有d道理嘅! 唔係話佢用的鯪魚肉特別靚特別貴, 而係會食得出做的人那份手藝/心機, 並非用咗什麼特別品牌的回黑豬的什麼矝貴部位的豬肉做的肉餅, 做出來的質感係令你都會想講”豬肉餅咪係咁嘅囉!”平平無奇嘅樣子喎, 無錯, 的確好平凡但食落去就知道佢不平凡的口感同味道, 鯪魚肉餅就只是一般厚薄的幾件, 一咬下就知道主持人讚好的是那薄薄煎成薄片的脆衣, 魚肉只是緊緊熟咗鎖住魚肉的汁, 調味料應該只是最簡單的鹽/糖, 就是這種不加裝飾只等食物本身自我演繹, 這種任由食材自由發揮的精神,任由外觀的不完美及無俢飾主義又來得有點禪味, 而接受世間無常就更加是無意之中入了禪, 聽店主講因為請唔到幫手(跑樓面) 自己又做咗十幾年, 接受現實退下來休息, 租約至九月, 又一