新明發食家 (川龍街) (Closed)

今朝一早要去荃灣睇醫生，睇完都只不過是早上十點半鐘，開始覺得好肚餓，於是乎就走去揾下有乜好野食，行行下突然聞到好香的飯味，見到呢間餐廳有個阿姐企左係門口賣盅頭飯，於是我就即刻走入去坐低食野，最後揀左一個鳳爪排骨飯再加一碟醬汁鳳爪食！落完order不到3分鐘，侍應就好有禮貌甘放低左D野食比我喇！首先试下個盅頭飯先，D飯食落唔會太濕都唔錯，再試埋排骨亦都幾好食，排骨肉質鮮嫩有咬口，食落仲要甜甜地好好味，至於個鳳爪就真是唔錯喎，甜甜辣辣好惹味，再配埋D飯食真是绝配！最後飲埋杯冰凍檸茶絕對是透心涼