Chop Chop 食神叉燒 (新城市廣場) (Closed)

今晚想簡簡單單坐得舒服咁食一餐家常便飯，見依間環境幾好，就入去試試！呢度最出名嘅係正宗黯然叉燒飯（$79），梗係要試吓！叉燒係五花腩，燒得好靚好香。食落去仲好滑好多汁，正！另外會有埋個叉燒醬，鍾意食濃味啲都一樣滿足到！配埋個蛋黃汁撈飯真係一流另外叫咗個食神炒飯（$75），好特別，係用叉燒、櫻花蝦、蝦、青豆同葱炒嘅，最後炒完放咗啲蟹子，好豐富，而且好好食！仲加咗個小菜什菌炆雞（$78），依個質素都幾高，個雞係好滑！依間個menu 簡單但又幾好食，真係不錯！