牛一 (元朗廣場) (Closed)

聽人講話牛一做緊逢星期一至四會員買一送一，咁今日就同我母親大人去食。見唔係好肚餓，我就叫左60分鐘任食，咁呢逢星期一我唔會牛肉，咁就叫咗豚肉，豚肉就真係鞋咗啲，如果涮得太熟情況就更加明顯，我都係見剛剛好轉色，就拎上碟。個湯底又真係味精比較多，味精多係正常既，所有火鍋店都係咁㗎啦！至於出邊自助區就蔬菜選擇比較多，羽衣甘藍都有，而且又係任食。油麥菜白菜都有！肉丸選擇就不過不失啦！我見到有白飯，但係真係好小人會去食白飯。至於飲品選擇就尚可，基本要嘅嘢都會有。但啤酒就真係令人失望啦，清一色，冇得揀。侍應既態度就普普通通，冇咩特別，亦會提醒你幾時夠鐘。總括而言，抵食真係抵食嘅，如果想打邊爐，又唔想洗野，都值得去試下既。