牛一 (元朗廣場) (Closed)

今日去咗間人氣火鍋店食打邊爐，果然名不虛傳，好過癮！🔥 首先，嗰個鮮嫩多汁嘅美國牛肉，真係過癮，舊舊薄切，涮一涮已經入味，軟滑得嚟口感又有嚼勁，惹味到不得了。🐮 坐低唔耐，我哋就迫唔及待開始夾菜，其中最搶鏡嘅就係芝士丸，熱騰騰咬落去，芝士拉絲滿滿，真係正爆。聽說晚啲會無咗，好彩頂頭舊舊掃晒！湯底方面，我揀咗嗰個南瓜栗子湯底，濃郁嘅口感細膩润滑，攪埋啲南瓜落去，飲口湯都覺得滿足。最後，就係甜品時間，綠茶味嘅乳酪，醇厚得嚟又帶少少茶香，完美收尾！😋同班友喺度食嘅時光真係賞心悅目，講天講地夾菜，消遣得好嘅。食物勁正，氣氛又寫意，我就算唔係靚仔，都覺得心情靚晒！今次嘅食評，絕對推介俾想親友聚舊、食啱啱好嘅火鍋嘅你哋！🍲

入夜後天氣轉涼左，個心就即刻想打邊爐，暖暖個人。見牛一無乜人排隊，就入去過下邊爐癮同做牛魔王😈見到餐牌澳洲M6-M7和牛套餐做緊特價，本身368蚊減到288蚊，食足100分鐘，咁梗係食佢啦。今次揀左個蕃茄豚骨湯，個湯底紅紅地蕃茄味道就唔係幾夠，不過唔緊要，外面自助區有成盤新鮮角切蕃茄，即刻加返幾個來增味！個套餐有7款肉類任食，有5款牛，1款雞同1款豬，咁來得做牛魔王梗係專食牛啦！呢隻美國見島和牛牛味夠，又有口感，切得夠簿唔會咬到好辛苦，唔錯！咁套餐主打澳洲M6-7和牛，當然唔叫唔得，諗住任食質素會好麻麻，估唔到油香味夠，肉質又滑，大大塊得嚟咬幾啖都食完，真係超出預期。另外2款都係美國牛，1個係美國Prime肩胛肋眼，1款係美國特選榖飼牛，前者肉味濃不過口感有啲柴，後者就又柴又唔夠肉味，所以都係主力食返和牛！咁食牛之餘都要食下菜，自助區啲菜種類都幾多，有5,6種，仲靚靚仔仔，塊塊都又大又完整，真係有啲意外。今次食足到最後一分鐘先走，抱住成肚牛咁走真係幸福。

今日黎到元朗廣場牛一食lunch，叫左一份美國穀飼牛既午市放題套餐。以前讀大學成日都食呢種放題，叫做回憶下。牛肉、豬肉、雞肉都ok好味，湯底都多選擇整體叫做維持質素。略嫌出面既食物款式較少，都係d大路野。較推薦魚腐及牛丸。

21號解封後的第一餐 平日不算難book 約左7點但6:45分已可以入座 揀左$228 既安格斯餐藥膳湯底 個湯就不推薦了 雖然藥味好香 但所有食物煮完會有一陣苦味 選擇其他或者更好 值得一讚既係啲牛 嚟個價位黎講算係唔錯 唔會太肥 上碟時全部係已解凍 唔會凍冰冰顏色都幾靚 自取區 環境都幾乾淨 一般打邊爐既配料都有 蔬菜類選擇多 第一次係火鍋店見到桃膠 最後仲有部自取雪糕機 係乳酪雪糕 有8款配料可以選味道亦唔錯 整體黎講 呢個價位算抵食 主打既牛肉中規中矩夠新鮮 無雪味 美中不足既係個湯底唔岩口味成餐既食物都有苦味 建議試其他湯底

趁住聖誕，新年假期，晚上同男朋友去咗元朗廣場牛一打邊爐。由於好早就到咗，冇需等位。入座之前餐廳服務人員都算熱情，為我們介紹套餐。最後我哋揀咗宮崎和牛二人餐同番茄湯底。 餐廳係透過app點餐，食物上餐速度快，唔會有漏單現象。和牛套餐除咗可以揀日本和牛，還有選擇澳洲和牛，美國牛。全部都好好味，特別係日本牛好滑好lam。另外可以選擇的蔬菜總類也有好多，最愛嘅菠菜都有。 整個用餐體驗都好好。想學下terminator個句：I will be back ..

相隔近大半年，再到元朗食牛一點左澳和牛小排，$328諗住食餐好，但真係失望，不過理解。。由5,6年前幫襯，到而家5,6年前澳牛都$278到而家$328澳和牛牛小排價錢係加得少，但牛肉質素越來越差，百物騰貴，乜都大加，無加價但質素下降以前澳牛有牛味甜味，到而家乜味都無，開頭以為自己食左咖喱飯，影響左味覺🥲食多3塊，真係連最cheap既茶記滑牛，沙嗲牛都有味過佢難以相信，喺甘靚油花牛小排係乜味都無，真係有懷疑過自己味覺退化，或中左新冠，無味覺難怪係無人排隊今次係我喺牛一食最多蔬菜類既一次，最健康一次，多菜少肉😅明白既，一分錢一分貨，亦唔怪佢，始終甘多年無乜加價，食字面上和牛任食係抵既大家可以試試，如果喜歡食字面和牛。。。

來牛一食放題當然要點鹿兒島A4和牛套餐食到盡，天氣涼涼地，配中華麻辣湯就岩晒啦！見到粉紅色和牛，點都要食到夠本，肉類都係手機點餐。外面有任添各款配料，如圖任飲紙包飲品，如點了A4和牛套餐，可以任飲Asaki任添乳酪雪糕，哈蜜瓜雪糕，北海道牛乳雪糕有朱古力醬，各款配料📌牛一 Nabe One☎️2111 1232📍元朗青山公路249-251號元朗廣場1樓168-172號舖#food #foodie #手機食先 #相機食先 #美食 #好味 #吃貨 #cook #delicious #tasty #oichiii #iger #youtuber #health #心心物語

自從天水圍間牛涮鍋執咗笠之後 冇乜機會再食任食嘅打邊爐 聽朋友講呢間牛一唔錯 lunch time好抵食只係每人80蚊到 就可以一碟豬或者一碟牛再加任食配菜 呢間環境都唔錯好大同埋都有好多配菜選擇 有我最鍾意嘅乳酪雪糕 今次選擇咗黑蒜湯底 湯底好濃沃 我哋叫咗肥牛同埋豬肉 兩樣都好高質 好好味 有好多芝士類嘅嘢 同埋好多款嘅菜 整體嚟講好抵食好滿足

聽人講話牛一做緊逢星期一至四會員買一送一，咁今日就同我母親大人去食。見唔係好肚餓，我就叫左60分鐘任食，咁呢逢星期一我唔會牛肉，咁就叫咗豚肉，豚肉就真係鞋咗啲，如果涮得太熟情況就更加明顯，我都係見剛剛好轉色，就拎上碟。個湯底又真係味精比較多，味精多係正常既，所有火鍋店都係咁㗎啦！至於出邊自助區就蔬菜選擇比較多，羽衣甘藍都有，而且又係任食。油麥菜白菜都有！肉丸選擇就不過不失啦！我見到有白飯，但係真係好小人會去食白飯。至於飲品選擇就尚可，基本要嘅嘢都會有。但啤酒就真係令人失望啦，清一色，冇得揀。侍應既態度就普普通通，冇咩特別，亦會提醒你幾時夠鐘。總括而言，抵食真係抵食嘅，如果想打邊爐，又唔想洗野，都值得去試下既。

第一次去牛一，四個字形容”極度失望”柯打安格斯牛肉套餐，第一輪算唔錯，但第二次、第三次......柯打已經唔覺得係安格斯牛，似係普通穀飼牛。飲品竟然係陽光品牌😱😱如果性價比高，我一定揀「牛陣」

天氣開始凍想打邊爐諗起元朗廣場有間牛一又有乳酪雪糕食就衝左去食喇我地揀左美國安格斯牛肉會員 $188/位 非會員就$198/位假期要再加$10我地揀左壽喜燒湯底個湯係我食過咁多間日式火鍋最濃既一間唔知係咪太重味精食完勁口渴😅安格斯牛肉正 牛味有揀得日式邊爐就唔會預有好多野食比你揀丸有幾款 菜有幾款 有餃子 有韓式年糕咁粟米好老 雖然甜 但勁乾身完全無汁飲品款式都多但醬汁配料比較少乳酪雪糕乳酪味濃食左兩碗🤣仲有密瓜味 不過無試到

侍應只要求盡快埋單，沒有比足夠時間食客完成枱上食物，首先出餐已經緩慢，火鍋爐熱力也不足夠，更用態度頑劣及無理要求如果不在限時完成枱上食物，就會罰錢。要求餐廳盡快檢討侍應對顧客態度的問題！

閒日去食唔洗等位，環境寬敞舒適，兩個人好彩有卡位坐，非常闊落，冷氣夠唔會焗，同其他枱有一段距離。叫左安格斯牛餐，會員$188加一，都係個半鐘，所以都係會有啲趕，湯底叫咗壽喜燒，會跟兩隻日本雞蛋，我通常都係會拎走😂坐低1分鐘之內店員就會先拎幾碟牛豬雞肉過黎，等你慳返啲時間醬料種類多，有少見啲嘅黑蒜油，芝麻醬。三款肉類嘅質素都唔錯，新鮮爽滑。個人覺得豚肉配壽喜燒嗰種甜真係好正👍🏻牛一應該都係我食過打邊爐入面點餐黎得最齊最快嘅一間，基本上叫完之後幾分鐘一定會到，唔會漏單，所以唔好好似食其他打邊爐咁樣叫20碟肥牛，因為佢真係會黎20碟，我見過，我真係見過。同埋佢就算叫到第二三輪，肉類嘅質素都唔會差太遠。配料來講就真係好少，少量丸，魚皮，豆卜等。即係逼人食牛姐🤡菜就算多款，同埋都新鮮。飲品種類一樣都唔算多。最後整返杯乳酪雪糕，無咩乳酪味，當佢普通雪糕咁樣食就OK 㗎啦😂同埋定期會有一款特別口味，今次係我唔食嘅香芋味，之前食過綠茶同埋芝麻都好正🤤整體環境，服務，食物質素都可以，如果時間可以兩個鐘就非常好。

太耐冇打過邊爐，所以最近一直心思思想去食邊爐放題，瘋狂食牛😍😍最後決定食牛一止下口癮😚😚-今次嗌咗安格斯牛肉配昆布同壽喜燒湯底🥳🥳一個清啲、一個濃味啲，正😋😋一入到去就比會比定3碟牛、1碟豬你先，食完再同職員講就ok😝-配料就唔算有太多選擇，我自己就冇咩所謂，最主要都係想食牛🐂🐂啲牛肉幾好食，咬落口唔會韌🤙🏻🤙🏻-埋單連加一2個人總共450幾蚊P.s.會員會平少少，冇記錯就一個人平10蚊左右，download個app就係！好方便🤩仲可以草分🤓🤓-

可以出黎食lunch真係好，食埋今餐，下星期開始又要食返住家飯喇😆每天同寶一起諗食咩真開心，琴日佢話要食一次外賣牛一，今日就試下先😉Openrice落單，可以要求幾點拎同埋有咩特別要求，非常方便快捷。我地叫左3個餐共$105，首次order可以減$20，平均$28.5，大家開心到笑，因為實在太抵。豬order咖哩和牛丼，日式咖哩好香，輕微的辣，不過搵唔到和牛😂配5隻餃子，外賣返到公司，溫度就keep唔到，但係仲脆，同事就覺得有d硬。炸野菜超級好食，有粟米，紅蘿蔔同雞脾菇，粟米好鮮甜，整體黎講成個飯盒嘅CP值好高壽喜燒牛丼胡麻醬冷烏冬