Video
Read full review
2020-10-22
76 views
啱啱開張嘅時候成日見到門口排晒長龍，所以搵日午市嚟試，唸住如果好食就帶屋企人夜晚嚟食。一入到去已經覺得好迫，行過中間走廊要小心手袋會撞到坐係度嘅食客，多數都係四人抬隔開兩個兩個，同隔離好close。不過都要讚一讚服務幾好，有袋仔派嚟裝口罩，餐具係一次性但筷子好實正，上生煎包嘅時候仲會提醒小心熱會爆汁。回到正題，我係平日午市嚟食叫左個午市套餐：四川擔擔麵+生煎包2個+熱茉香綠茶一杯，如果要轉其他嘢飲就要加$2-$3。生煎包好快就上，雖然個面好似唔係幾光滑，賣相差左少少，但的確好熱同埋有好多湯汁係入面，其實去到見到差不多台台都會叫生煎包，就知道佢係必食招牌，唔會差得去邊。相比起招牌生煎包，擔擔麵就差少少啦，對我嚟講，個擔擔麵就淡左d，又唔辣，又冇乜花生醬味，同埋份量都唔係太多，如果係兩個人share嘅應該都有d尷尬，但都有唔少肉碎係面，總括而言算過得去啦，但如果你打算去食嘅話，我就唔建議你試擔擔麵啦
啱啱開張嘅時候成日見到門口排晒長龍，所以搵日午市嚟試，唸住如果好食就帶屋企人夜晚嚟食。
一入到去已經覺得好迫，行過中間走廊要小心手袋會撞到坐係度嘅食客，多數都係四人抬隔開兩個兩個，同隔離好close。
不過都要讚一讚服務幾好，有袋仔派嚟裝口罩，餐具係一次性但筷子好實正，上生煎包嘅時候仲會提醒小心熱會爆汁。
回到正題，我係平日午市嚟食叫左個午市套餐：四川擔擔麵+生煎包2個+熱茉香綠茶一杯，如果要轉其他嘢飲就要加$2-$3。
生煎包好快就上，雖然個面好似唔係幾光滑，賣相差左少少，但的確好熱同埋有好多湯汁係入面，其實去到見到差不多台台都會叫生煎包，就知道佢係必食招牌，唔會差得去邊。
相比起招牌生煎包，擔擔麵就差少少啦，對我嚟講，個擔擔麵就淡左d，又唔辣，又冇乜花生醬味，同埋份量都唔係太多，如果係兩個人share嘅應該都有d尷尬，但都有唔少肉碎係面，總括而言算過得去啦，但如果你打算去食嘅話，我就唔建議你試擔擔麵啦
生煎包
6 views
0 likes
0 comments
四川擔擔麵
6 views
0 likes
0 comments
Post
