b420 Coffee House (Closed)

適逢週未都會同母親食個早餐，而我地都喜歡周圍食。早餐搵食範圍多數都離不開葵涌區及荃灣區，而今次就選擇咗葵興B420 COFFE HOUSE。餐廳位於舊式小型商場葵涌中心之中，要找到並不難。店內空間不大，早上坐得低嘅都係熟客或者附近返工返學GE朋友。早餐有港式西式揀，不過我選擇左常餐。B沙嗲牛肉麵 配 牛油多士 & 火腿奄列母親點咗杯熱啡而我就點咗熱奶茶。熱奶茶 - 茶膽味道都不太濃，而淡奶味亦不多。牛油多士 – 多士雙層夾牛油，食落帶點脆口不太硬，不過不失火腿奄列 – 正常水準沙嗲牛肉麵 – 沙嗲味比較鹹，牛肉份量不多，麵身較淋。總共34元，以同區早餐價錢嚟講略貴!整體一般。