海南少爺 (Closed)

今次既海南少爺，我既失望真係比我期待既更加多，其實去之前都唔存太大既期望，不過估唔到無期待都咁失望，暫時覺得呢個價錢貴，野食唔出色，但係仲要咁多人幫襯，唉。比佢好食既，實在太多。個時大約7點左右，可能星期一既關係，無乜人去食，入到去，基本上座位任坐，揀了望海那邊。地方環境都唔錯，只是冷氣真係比較大，風口出風好勁，不斷被吹。坐底時，侍應會送上前菜，梅粉蕃石榴，味道幾好，亦很開胃。食物揀選了海南雞同海南燒雞飯餐各一套餐包括雞、油菜、雞湯同油飯。海南雞雞肉尚算嫩滑，不過味道好淡，沒有鮮味，而且雞肉唔肥美。油飯飯粒雖分明，可是味道唔夠，飯仲有D硬。雞湯用壺上，保持溫度，味道都幾好，自己勘出黎，十分有趣。醬汁明顯做得比較好，食星洲海南雞飯，當然要食黑油啦，甜甜地帶咸既豉油，既能提味，又能提鮮。另一個就是燒雞飯，覺得味道比海南雞更好，可能多左一份咸味，雞肉雖然經過燒，不過肉質仍然都係嫩滑的，其實都係一般，不過如果食的話，我會揀選這個。整體黎講，雖然服務質素幾好，可是味道一般。好鍾意食海南雞飯的人可以去食下，話哂都係星洲名店大廚主理，食個名都夠。更多資料：http://hk.myblog.yahoo