韓日屋燒烤放題 (Closed)

又係時候同朋友聚聚, 一班朋友出外食飯都係意見多, 所以今次黎食韓日放題, 價錢比一般日式放題平,  2.5小時任食, 但仲要有齊日式同韓式食品, 滿足哂我地需要!食物款式非常豐富, 豬牛雞多款式選擇, 仲有日式刺身壽司, 小食類, 食品多不勝數!環境裝修雅緻，有好多韓星掛畫食物方面, 刺身放罝精美, 幾新鮮, 三文魚切得厚，好肥美, 第一轉刺身每人一隻大頭蝦，唔算好大隻，但味道鮮甜小食方面推介韓式醬油生蝦，調味岩岩好，生蝦非常爽口！但韓式粉粉絲味道較咸，味道似只是用豉油加辣油炒，沒有韓式粉絲味道而韓式炸雞用韓式甜辣醬，咬落去啖啖肉，外脆肉軟👍🏻食完小食開始入正餐。韓式燒烤烤爐上面鋪左牛油紙，無禁大煙之外感覺上食物會無禁油會健康d牛類會推介牛舌，只用小小黑椒同鹽調味，入口香口濃郁，牛仔骨好嫩，只配上小小蒜香味，牛味好突出芥末一口牛柳粒：無芥末味，但牛粒夠淋，沾牛汁會較為好味燒蒜香生蠔是其中一樣必點之一，完全無腥味，加入蒜容非常惹味最後連甜品都好多選擇，有雪米糍，雀巢雪糕，豆腐花，自製蛋糕等等，真係大飽口福！！餐廳價錢平，食物款式非常非常多，食物質素中上，值得一試