貴緣小鍋米線 (崇潔街) (Closed)

位於紅磡嘅飲食小街，成日都見到好多人去呢間食米線，今次決定要同朋友去食下，好彩入座個時時間尚早，吾會太多人，但之後就愈來愈多人，仲有好多人叫左外賣。今次試左豬骨鮮濃湯米線，叫左豬軟骨，肥牛，娃娃菜三個餸，仲有得叫多芽菜，多蔥，咁我就叫左多蔥。來到都好大碗，豬軟骨好淋，好入味，然後肥牛都好多，本身都怕會吾會太韌，點知又吾會👍娃娃菜好大棵，有兩三舊左右另外朋友叫左個紅薯粉，酸辣湯底，餸個度就叫左肥牛，特別推介嘅腩肉，腩肉就有少少辣，同蘿蔔，腩肉超級吸引，蘿蔔份量大又好鮮甜最後加左小食皮蛋頭腐同蒜泥雞絲山，皮蛋口感超級滑，面上有少少好輕微嘅辣，但連我吾食得辣嘅都接受到🤭 而蒜泥雞絲山，份量十足超級多，而蒜泥汁就好彩另上，所以少少咁點來食都吾錯，如果好喜歡個種麻辣嘅你真係可以試下就咁淋上去價錢真係好大眾，平時諗吾到食咩真係可以成日食，堂食可以外賣都得😆