巴西燒烤餐廳 (Closed)

首先，我唔係收咗錢寫嘅，(此地無銀三百襾?)我平均大約兩個月左右就會去一次巴西燒烤。服務方面，真係唔好要求太高，同酒店自助餐比，當然有好大距離。例如d碟換得唔夠快，新碟的放置地方奇奇怪怪，d碟又有時磞咗之類....加水又係慢同埋唔主動。但係食物方面就唔係部份人講得咁差。大約7-8月時的確係差咗，無焗蠔，又無羊脾/牛肉。嗰次我食完都覺得有少少唔開心。不過因為之前都幫襯咗10次8次，知道佢地水準一向有上落，尤其如果你坐個位唔係隊頭(即食物出嚟行走路線頭5-6枱)，加上咁啱有d勁貪心的人(多數係c9)咁就真係無咩運行。羊脾係有機會去到你個位之前就無晒。(我真係試過一次係咁，嗰次勁多嘢食唔到)但係大約兩三個星期前去食，人少到哩，得返1/3左右。可能落雨啦(嗰日係星期日)，d羊脾同牛肉食到我....真係好飽....而且有返焗蠔。仲有一d之前無食過的羊/牛肋骨。我個人覺得好好食。講真，我由佢98食到e+128(?)，覺得佢地都算係努力做生意的一間餐廳。所以我覺得我會繼續幫襯。