正宗山西刀削麵店 (Closed)

路德圍荃灣區食店集中地，鋪租貴，無返咁上下實力都難以立足。假日晚上成條街都排滿人等候心儀既食店。今次黎呢間山西刀削麵皇。寫食評之前稍稍看到其他食評，心裡很想為它平反。有人說呢間刀削麵麵質奇怪，一邊薄一邊粗，唔夠彈牙奇怪。但人地山西刀削面全憑刀削得名。用刀削出的面，中厚邊薄。麵體本身特色就係咁。麻辣豬脷每次食多數都係點呢款，因為佢係少數有賣豬脷既餐廳，而且處理得好好，薄切但有口感，沒有內臟味道。叫多蒜真係好多蒜。唯一要彈既係，所謂麻辣根本一點麻味麻香都沒有，只有辣。湯底清，一般食法是把蒜和麻辣醬放部分落湯起提味功效。另一特色是套餐加$4就可以轉檸樂，大快朵頤！