Video
Read full review
2020-09-13
219 views
位於灣仔嘅鋒膳主打中上價嘅中式私房菜，一直都喺我嘅bucket list上面，近月仲喺長沙灣開咗一間子餐廳，主打平民扒餐，同樣力推宮崎快樂豬，標榜唔加鬆肉粉同食粉去醃製肉類，令人食得安心。同一般扒房一樣，扒餐價錢按照肉類嘅質素區分，不得不提用上宮崎快樂豬嘅吉列豬柳，只要廿蚊就享用到，的確係開心價。除咗扒餐之外，仲有唔少焗粉麵飯、咖喱同茶餐廳小食可以選擇，價錢合理。紅白餐湯質素唔錯，特別係羅宋湯，先生酷愛羅宋湯，但能夠獲讚並被佢飲清光嘅羅宋湯寥寥可數，我淺嘗一啖，味道的確鮮濃。餐包微暖，付上室溫牛油，中規中矩。嚟得當然要品嚐一下餐廳主打嘅宮崎快樂豬，吉烈豬柳同叉燒同樣用上宮崎快樂豬，我揀咗每日限定五十份嘅吉列豬柳，只需要廿蚊嘅吉列豬柳估唔到同樣係以鐵板上，倒上自選嘅洋蔥汁，鐵板吱吱作響，零舍吸引。厚切豬柳即叫即炸，入口肉質偏瘦有咬口，豬味鮮濃突出，非常推薦。先生就揀咗紐西蘭羊架，一客三件，配上豐富嘅薯菜同蒜蓉汁，同樣吸引。羊架八成熟，肉味香濃但唔羶，肥瘦適中，肉質彈牙而且唔韌，質素唔錯。手打牛肉漢堡超級巨型同厚身，完全無辦法一啖咬落去，兩個人分享都絕對唔係問題。六安士嘅漢堡扒混合咗Aff
位於灣仔嘅鋒膳主打中上價嘅中式私房菜，一直都喺我嘅bucket list上面，近月仲喺長沙灣開咗一間子餐廳，主打平民扒餐，同樣力推宮崎快樂豬，標榜唔加鬆肉粉同食粉去醃製肉類，令人食得安心。
同一般扒房一樣，扒餐價錢按照肉類嘅質素區分，不得不提用上宮崎快樂豬嘅吉列豬柳，只要廿蚊就享用到，的確係開心價。
除咗扒餐之外，仲有唔少焗粉麵飯、咖喱同茶餐廳小食可以選擇，價錢合理。
紅白餐湯質素唔錯，特別係羅宋湯，先生酷愛羅宋湯，但能夠獲讚並被佢飲清光嘅羅宋湯寥寥可數，我淺嘗一啖，味道的確鮮濃。
餐包微暖，付上室溫牛油，中規中矩。
吉列豬柳
$20
2 views
0 likes
0 comments
嚟得當然要品嚐一下餐廳主打嘅宮崎快樂豬，吉烈豬柳同叉燒同樣用上宮崎快樂豬，我揀咗每日限定五十份嘅吉列豬柳，只需要廿蚊嘅吉列豬柳估唔到同樣係以鐵板上，倒上自選嘅洋蔥汁，鐵板吱吱作響，零舍吸引。厚切豬柳即叫即炸，入口肉質偏瘦有咬口，豬味鮮濃突出，非常推薦。
紐西蘭羊架
$138
6 views
0 likes
0 comments
紐西蘭羊架
$138
4 views
0 likes
0 comments
先生就揀咗紐西蘭羊架，一客三件，配上豐富嘅薯菜同蒜蓉汁，同樣吸引。
紐西蘭羊架
$138
6 views
0 likes
0 comments
羊架八成熟，肉味香濃但唔羶，肥瘦適中，肉質彈牙而且唔韌，質素唔錯。
芝士漢堡包
$48
2 views
0 likes
0 comments
手打牛肉漢堡超級巨型同厚身，完全無辦法一啖咬落去，兩個人分享都絕對唔係問題。六安士嘅漢堡扒混合咗Affco牛柳、西冷同肉眼，加入沙律菜、蕃茄、洋蔥、蛋、芝士同秘製醬汁，用烤到香噴噴嘅洋蔥包夾住，色香味俱全。
芝士漢堡包
$48
9 views
0 likes
0 comments
麵包鬆軟而且透住淡淡的洋蔥香，漢堡扒肉汁豐富，咬落唔鬆散，反而帶點咬口，牛肉味道香濃，加上大量配料同自家製醬汁減低膩滯感，非常有驚喜。
檸檬水
3 views
0 likes
0 comments
餐廳嘅食物用料優質，製作用心，價錢亦比一般扒房相宜，特別係用上宮崎快樂豬嘅吉列豬柳，廿蚊就享用到質素咁好嘅美食，絕對超值。
Post
