創壽司 (Closed)

今日一個人走去上環幫朋友買啲海味，因為佢就快生又唔方便出街，我就去幫手啦經過上環突然間好想食日本菜，見到有日本壽司外賣店就去捧場。壽司/丼飯選擇好多，心大心細的我都唔知道食咩好原來店鋪都有幾個位架，我坐低食埋先走。店鋪牆上有好多老闆同朋友影的相，手畫公仔好靚。每個飯都有三文魚豆腐湯送架！壽司選擇太多，我見到有個鰻魚飯看似好吸引就試試啦鰻魚厚肉肥美，無骨好香口，醬汁甜甜的好惹味，鰻魚唔會好腥入口啖啖肉。